O mércores 3 celebramos o Día da Discapacidade cunha carreira solidaria en colaboración coa fundación Enki que traballa a prol do deporte e do ocio inclusivo. Tod@s os participantes levamos un dorsal que mercamos por 1 euro para apoiar esta iniciativa, nesta xornada tan especial.
Seguimos traballando no PDI do centro. Este mes nas clases de Infantil e Primaria preparamos un lapbook para coñecer os distintos tipos de discapacidade. Hai persoas que usan cadeira de rodas ou prótese para camiñar, outras que teñen dificultades para ver e precisan bastóns brancos ou a axuda de cans guía. As persoas sordas necesitan audífonos e empregan linguaxe de signos. Tod@s somos diferentes e esas diferencias son as que fan do mundo un lugar especial e cheo de diversidade.
