AS NOSAS VACACIÓNS DE VERÁN

Estes días estamos a contar na clase como foron as nosas vacacións, o que fixemos no verán. Tempo de praia, piscina, viaxes, xogos cos amig@s, momentos coa familia... que  inmortalizamos coas nosas cámaras.

XA ESTAMOS DE VOLTA!!!

    Parece que foi onte pero este xa é o noso terceiro curso xuntos. Como decimos moitas veces na clase, ao cole vimos a aprender e a divertirnos. A disfrutar cos amig@s de tempos compartidos, momentos, risas, sorrisos, experiencias, aprendizaxes... Con ilusión e co mesmo estusiasmo de sempre comezamos este novo curso.

BENVIDOS !!!

FELICES VACACIÓNS !!!

Rematamos o curso e agora xa toca disfrutar dunhas merecidas vacacións. Quero desexarvos un feliz verán e xa nos vemos á volta coas pilas recargadas e a ilusión de empezar unha nova aventura xunt@s. Moitos bicos !!!

ANDAINA

    O xoves 18 celebramos unha andaina solidaria a beneficio da Asociación Española contra o Cancro. No cole recadáronse coa venda de camisetas 1.890 euros para esta causa. Tamén se fixo dende o Concello a declaración institucional do 18 de xuño como Día da Doazón de Medula e Sangue.

OBRADOIRO CON SEGUNDO DE PRIMARIA

    Durante dúas sesións os nen@s do profe Martín e os nen@s de catro anos fixemos un obradoiro conxunto para realizar un mural de primavera empregando diferentes técnicas (pintura, estampación, collage...) O obxectivo é que os nen@s maiores e os máis pequenos compartan a experiencia de traballar xuntos, de colaborar e de relacionarse nunha actividade lúdica nun contexto diferente e con outros profes. E eu ,especialmente contenta de poder compartir este tempo de lecer cos meus outros nen@s de segundo de Primaria.

 

VISITA DOS NEN@S DA ESCOLA INFANTIL

    O mércores 10 tivemos unha visita moi especial. Os nen@s da Escola Infantil viñeron ao noso pavillón coas súas profes para coñecer o que vai a ser o seu novo cole para o curso que ven. Nas clases da planta baixa contaron un conto, cantaron cancións e cos nen@s do piso superior disfrutaron dun ratiño de xogos no patio. Tamén visitamos o arenero e o horto escolar. Manuel xogou coa súa irmá María nunha xornada que adicamos a coñecernos e divertirnos. 

Moitas grazas pola visita e ata pronto!!!

VISITA Á GRANXA ESCOLA DE LÁNCARA

    O martes 9 visitamos a Gandería O Palomar. Así de content@s marchamos despois de facer as parellas do autobús.

   Ao chegar xa nos estaban esperando Quiara e Clara que nos ensinaron as vacas e nos explicaron como son, como se alimentan, como hai que coidalas, cantos litros de leite dan ao día e moitas cousiñas máis.

   Tamén lles demos de comer.

   Unha das cousas que máis nos gustou foi ver os tenreiros e darlles o biberón.

   Para repoñer forzas disfrutamos dunha merenda moi rica con leite, iogur, queixo, madalenas e galletas.

   Con Clara aprendemos a muxir as vacas.

   E con Quiara vimos un vídeo da granxa e tamén fixemos queixo.

   Por último sacamos unhas fotos como recordo deste día tan especial.

    Como recordo levamos un diploma e un caderno de actividades porque xa somos uns expertos granxeir@s.

MOITAS GRAZAS QUIARA E CLARA POLA VISITA !!!