DÍA DE ROSALÍA

   O día 23 celébrase o día de Rosalía. No cole fixemos caligramas coa súa cara en Primaria e con forma de folla en Infantil para colocar nunha árbore e conmemorar así o nacemento desta importante escritora galega. 

SAN VALENTÍN

    O venres celebramos no cole o día de San Valentín: o día do amor e da amizade. Cantamos a canción de "Ser amigos" e durante a semana fixemos unha manualidade para agasallar a quen queremos moito: papás, mamás, irmáns, avós, curmáns... Este foi o resultado:

PRESENTACIÓN "OFICIAL" DE LEO, O IRMÁN DE MARCO

   O martes 4 Marco presentounos ao seu irmán Leo que ten cinco meses. Marco contounos moitas cousiñas como por exemplo que canta a canción de "Catro vellos mariñeiros" para calmar a Leo cando se pon a chorar. Como agasallo deste día especial fixemos un libro de debuxos para Leo e cantamos a canción dos bebés.

 Grazas LEO, LUCÍA e FRAN pola visita e grazas MARCO por presentarnos ao teu irmán.

DÍA DA PAZ

    O día 30 de xaneiro celebramos no cole o día da Paz. Nas clases fixemos reproducións de cadros de diferentes autores que teñen en común esta temática. Na nosa aula pintamos e decoramos entre tod@s a pomba de Andy Warhol que quedou así de bonita:

      Despois tod@s os nen@s do cole xuntámonos no Hall de Primaria para cantar "Somos la paz" de Unai Quirós e reivindicar a importancia de traballar todos os días pola PAZ.

PRESENTACIÓN "OFICIAL" DE MARÍA, A IRMÁ DE MANUEL

   O martes 28 tivemos na clase a visita de María. Manuel contounos moitas cousiñas da súa irmá que xa ten 15 meses. Cantamos a canción dos bebés e tamén fixemos con moito cariño un libro de debuxos como agasallo desta visita tan especial.

   Grazas AZUCENA e MARÍA pola visita e grazas MANUEL por presentarnos a túa irmá.

CANTO CONTO!!!

    Na clase sempre hai tempo para os contos. Despois da merenda e antes de saír ao recreo gústanos moito compartir historias cos amig@s.

VIÑERON OS REIS !!!

    Que alegría!!! Hoxe foi un día de reencontro cos amig@s pero ademais cando chegamos a clase atopamos uns agasallos que nos deixaron os Reis Magos e que nos gustaron moito. Melchor, Gaspar e Baltasar saben que no cole traballamos moi ben e que nos portamos fenomenal.

MOITAS GRAZAS MAXESTADES !!!