FIN DE CURSO

O venres 21 fixemos na clase unha festa para celebrar os cumpres do verán e tamén para despedirnos ata o curso que ven. Non faltaron as lambetadas que tanto nos gustan, as risas, o baile e a diversión neste último día de cole. 
FELIZ VERÁN, FELICES VACACIÓNS E ATA SETEMBRO !!!
BIQUIÑOS !!!

DÍA LÚDICO

O xoves 20 disfrutamos de xogos cooperativos no pavillón organizados polos profes de Educación Física e onde contamos coa axuda dos nenos maiores de Primaria. Todos guapos coas nosas camisetas de Maruja Mallo pasamos unha xornada moi divertida que compartimos cos compañeir@s de Infantil.

ÓPERA COA MAMÁ DE MATILDE

Lourdes, a mamá de Matilde da clase de Reme, veu a clase de 3 anos para explicarnos dun xeito moi sinxelo o que é unha ópera e tamén para interpretar varias pezas en castelán e italiano que nos gustaron moito. 
Grazas Lourdes por achegar a música clásica aos máis pequenos !!!

VISITA DOS NEN@S DA GUARDERIA

O venres 14 tivemos unha visita moi especial. Os nen@s da guardería viñeron ao pavillón de Infantil coas súas profes para coñecer o que vai a ser o seu cole para o curso que ven.
Nas clases da planta baixa contamos un conto e cantamos cancións e despois todos xuntos disfrutamos dunha festa e dun ratiño de xogos no patio.
Foi unha xornada para coñecernos e hai que dicir que os nenos se portaron fenomenal.
 Moitas grazas pola visita e ata pronto !!!

TEATRO DE TÍTERES

O venres 24 disfrutamos no Salón de Actos dun teatro de títeres da compañía Mircromina
"Vacacións no mar" que conta a historia da nena Mariña do Mar, o mariñeiro Moncho e o pirata Ollo Virollo. Un espectáculo de  monicreques que nos gustou moito:

PRESENTACIÓN OFICIAL DO IRMÁN DE LUCA :KENZO

O mércores 22 tivemos na clase a visita de Kenzo, o irmán de Luca, que veu a vernos coa súa mamá Elva. Luca contounos as cousas que lle gusta facer co seu irmán pequeno , por exemplo ir á praia cos seus papás e buscar tesouros. Luca trouxo un ovo de tiburón para ensinar aos amigos e tamén cunchas, caracolas e ollomaos ( tiñan propiedades máxicas e tamén se empregaban coma botóns ou para aliviar a dor de cabeza ainda que agora úsanse para adornar pendentes, aneis e toda clase de xoias e bisutería). Luca tamén nos contou que estivo no Acuario, que lle gusta moito xogar con Kenzo  e de agasallo trouxonos unhas botelliñas que preparou coa axuda da súa mamá.
Moitas grazas Luca !!!
Moita grazas  Elva e Kenzo pola visita !!!

Entre todos fixemos un libro de debuxos para Kenzo para que tamén teñan un recordo deste día na clase de Luca e os seus amigos.

DÍA DAS LETRAS GALEGAS

O mércores tamén celebramos no cole o día das Letras Galegas que este ano está adicado ao 
escritor Antonio Fraguas. Pola mañá disfrutamos dunha xornada de xogos tradicionais que organizaron os mestres de Ed. Física Estefanía e Jonathan e que nos gustaron moito.
E pola tarde puidemos ver a actuación do grupo de pandereta e baile galego para completar un día de celebración e entretemento.