O martes 28 tivemos na clase a visita de María. Manuel contounos moitas cousiñas da súa irmá que xa ten 15 meses. Cantamos a canción dos bebés e tamén fixemos con moito cariño un libro de debuxos como agasallo desta visita tan especial.
Grazas AZUCENA e MARÍA pola visita e grazas MANUEL por presentarnos a túa irmá.
Na clase sempre hai tempo para os contos. Despois da merenda e antes de saír ao recreo gústanos moito compartir historias cos amig@s.
Que alegría!!! Hoxe foi un día de reencontro cos amig@s pero ademais cando chegamos a clase atopamos uns agasallos que nos deixaron os Reis Magos e que nos gustaron moito. Melchor, Gaspar e Baltasar saben que no cole traballamos moi ben e que nos portamos fenomenal.
MOITAS GRAZAS MAXESTADES !!!
O Nadal é un momento máxico para vivir e disfrutar en familia. Os meus mellores desexos nestas datas tan especiais. FELIZ 2025!!!
O día 20 tamén celebramos o Fin de Ano no Laverde Ruíz. No hall de Primaria as profes Elvira e Nazareth deron as 12 badaladas e todos xunt@s comemos as "gusiuvas" cantamos e bailamos e pedimos un desexo para o próximo ano.
Con moita ilusión preparamos a carta para Papá Noel:
GRACIÑAS PAPÁ NOEL POLA VISITA!!!
Cos nen@s da clase de Silvia de 1º de Primaria fixemos un obradoiro de Nadal. O obxectivo é que os nen@s maiores e os pequenos compartan a experiencia de traballar xuntos, de colaborar e relacionarse nunha actividade lúdica, nun contexto diferente e con outras profes. Unha actividade que, as titoras pensamos, pode ser moi interesante e atractiva para tod@s. Nas dúas aulas e durante dúas sesións fixemos un mural empregando diferentes técnicas: pintura, estampación, collage... Eu ademais, moi contenta de seguir en contacto e compartindo experiencias cos meus antigos alumn@s que xa están no cole grande. Gustounos tanto a actividade que seguro repetiremos!!!
