O xoves 27 celebramos a festa do Entroido. Este ano os nen@s do cole saímos á rúa e despois de facer distintos recorridos chegamos ata a praza do Concello onde cantamos tod@s xunt@s unha versión da "Saia da Carolina" Xa no cole continuamos a festa no noso patio con música e cancións. Este ano a temática do disfraz foi libre e así de guap@s viñemos ao cole:
"Se un bo científico queres ser, gafas rechamantes terás que traer"
O día 23 celébrase o día de Rosalía. No cole fixemos caligramas coa súa cara en Primaria e con forma de folla en Infantil para colocar nunha árbore e conmemorar así o nacemento desta importante escritora galega.
O venres celebramos no cole o día de San Valentín: o día do amor e da amizade. Cantamos a canción de "Ser amigos" e durante a semana fixemos unha manualidade para agasallar a quen queremos moito: papás, mamás, irmáns, avós, curmáns... Este foi o resultado:
O martes 4 Marco presentounos ao seu irmán Leo que ten cinco meses. Marco contounos moitas cousiñas como por exemplo que canta a canción de "Catro vellos mariñeiros" para calmar a Leo cando se pon a chorar. Como agasallo deste día especial fixemos un libro de debuxos para Leo e cantamos a canción dos bebés.
Grazas LEO, LUCÍA e FRAN pola visita e grazas MARCO por presentarnos ao teu irmán.
