Coma sempre cando imos de excursión escollemos as parellas do autobús:
Hoxe viaxamos ata Lugo para visitar o Museo Provincial. Nada máis chegar subimos á Muralla para ver os dous murais de arte urbana.
A "Castrexa" do artista Manuel Pallín, pintada nunha fachada de 20 metros, representa unha guerreira con roupa, xoias e armas típicas dos pobos prerromanos:
Despois do paseo pola Muralla fomos camiñando ata o Museo onde nos esperaba o noso guía:
Simón levounos á sala dedicada a Maruja Mallo onde puidemos ver algún dos seus cadros máis importantes:
Tamén visitamos a sala de Julia Minguillón, outra importante pintora lucense que foi a primeira muller en gañar unha medalla na Exposicion Nacional de Belas Artes coa obra "Escola de Doloriñas"
Simón contounos que o noso amigo Max visitou o Museo fai uns días e que quedou abraiado cos fermosos cadros de Xulia e de Maruja.
No Museo tamén puidemos ver a "sala do ouro" onde está o Torques de Burela ( colar de ouro usado polos pobos celtas como adorno ) e moitas outras xoias que serviron de inspiración para o mural da castrexa.
Por último vimos uns mosaicos romanos que son obras de arte feitas con pequenas pezas de pedra chamadas teselas e que se servían para decorar suelos ou paredes:
Despois desta interesante visita merendamos e disfrutamos dun tempo de lecer no parque de Campo Castelo. Un día que disfrutamos cos nos@s compañeir@s da clase de 6º A de Infantil.
No hay comentarios:
Publicar un comentario