O NOSO HORTO

Sophie trouxo plantas de tomate e cabaza para que coidemos entre tod@s durante esta primavera. 

 Vimos un vídeo do nacemento dunha flor e falamos dos coidados que necesitan as plantas para vivir. Tamén plantamos semillas de rúcula e canonigos.

Na clase xa temos o noso recuncho do horto. Polas mañás vemos como medran as plantas e o encargado é o que se ocupa de regar e botar a auga que necesitan.

 Ao final de curso cada nen@ vai poder levar a súa planta para coidar na casa.               

MOITAS GRAZAS SOPHIE ¡¡¡

DÍA INTERNACIONAL CONTRA O BULLYING

    Este luns celebramos no cole o Día Internacional contra o Acoso Escolar. Na clase contamos "Orellas de Bolboreta" a historia de Mara, unha nena que emprega a imaxinación para xestionar as críticas dos demais. Un libro que pon en valor que as características que nos diferencian son as que nos fan únicos e especiais.

   A nivel de centro e, xa nas clases, preparamos debuxos ou mensaxes positivas para que ningún neno na escola estea triste ou se sinta só. 

    Despois levamos os nosos debuxos á caixa das mensaxes bonitas para que, ningún amig@ do cole perda o sorriso e se sinta feliz, seguro e contento no cole.

A PRIMAVERA DE VIVALDI

    Na clase escoitamos "A primavera" de Antonio Vivaldi que forma parte das Catro Estacións.  Escrita en clave maior representa o despertar da natureza onde o violín imita o canto dos paxaros. Así é como debuxamos a música desta composición.

23 DE ABRIL: DÍA DO LIBRO

    O día 23 para celebrar o Día do Libro disfrutamos dun contacontos na biblioteca do cole. Lucía, a mestra de 3 anos e autora de "Respira Carmela" contounos a historia da ra Carmela e do seu amigo Lolo o camaleón que nos gustou moito. Despois fixemos unha actividade relacionada co conto e Lucía regalounos un monicreque para levar a nosa casa. Moitas grazas Lucía!!!

" EL LIBRO NEGRO DE LOS COLORES "

    Para a Feira do Libro decoramos a portada do libro negro das cores. Un conto escrito en braille que invita aos nen@s a "ver" as cores cos ollos pechados. Así foi o proceso:

   O libro leva un código QR para poder escoitar a historia gravada polos nen@s da clase.

II FEIRA DO LIBRO

    O venres 17 celebramos a II Feira do Libro. Pola mañá os nen@s de Infantil asistimos a súa inaguración.

      Unha das actividades foi un obradoiro con Pablo Otero que nos ensinou todas as cousiñas que se poden facer con libros reciclados.

    Despois demos un paseo para visitar as librerías e ver todas as portadas dos libros que fixemos no cole.

   Ás dez e media disfrutamos co concerto de Paco Nogueiras onde puidemos bailar e cantar todas  as súas cancións.

      E por último paramos no photocall da feira para facer unha foto de grupo e ter un recordo desta xornada tan especial.